NORMATIVA

16 de novembro de 2017

Galicia Norte, Mares de Experiencias

GALICIA NORTE, MARES DE EXPERIENCIAS


Ana Veiga, participante no proxecto 'Galicia Norte, Mares de Experiencias'

“A raíz deste proxecto valoramos a posta en funcionamento dunha cetárea abandonada”

Natural de Cedeira, aos seus 41 anos Ana ten en mente a idea de apostar polo ámbito do turismo mariñeiro, aproveitando a súa formación como enxeñeira naval e oceánica e a súa experiencia no proxecto "Galicia Norte, Mares de Experiencias".

Conversamos con ela para coñecer as súas impresións.



Por que decidiu participar no proxecto "Galicia Norte, Mares de Experiencias"?
Actualmente estou en situación de desemprego, que aproveito para rematar o meu proxecto de fin de carreira en Enxeñaría Naval e Oceánica. Decidín participar neste proxecto porque me interesa atopar sinerxias coa miña formación e procurar desenvolver unha iniciativa relacionada co turismo mariñeiro que ao mesmo tempo me permita vivir en Cedeira.

Con que aspectos quedou máis satisfeita?
Quedei satisfeita con todo o proxecto en xeral, desde as sesións formativas nas que aprendimos a base necesaria para elaborar un plan de empresas, postas en valor, posibles colaboracións entre empresas, plans de marketing, ... ata a participación nas sesións experiencias. Por exemplo, tiven a oportunidade de descubrir Viveiro na última das probas piloto, unha vila que non coñecía en profundidade, e que teño pensado visitar en novas ocasións para explorar todos os atractivos que ofrece.

Valora a posta en marcha dalgunha iniciativa empresarial a raíz do proxecto?
En Cedeira, un grupo de persoas que participamos nas sesións formativas estamos avaliando unha posible iniciativa empresarial relacionada co turismo mariñeiro. Aínda é cedo para avanzar detalles, pero a nosa intención é poñer en funcionamento unha cetárea abandonada, establecendo cooperación con outra que hai nas proximidades. Estamos en fase de análise para ver que recursos serían necesarios e que colaboracións serían viables, entre outros factores; intentando enfocar o proxecto dun xeito que potencie a actividade marítima e turística da zona. De momento, vexo que todas as ferramentas que aprendemos nestas xornadas poden ser moi útiles para valorar as diferentes propostas que temos enriba da mesa.



2 de novembro de 2017

Xornadas de simulación de experiencias - Proxecto Galicia Norte. Mares de Experiencias

Chegou o momento de experimentar as Rutas Turísticas deseñadas no marco do proxecto "Galicia Norte. Mares de Experiencias".

O proxecto ‘Galicia Norte, Mares de Experiencias’, impulsado polos GALP a Mariña-Ortegal e Golfo Ártabro Norte, está no proceso de configuración de 10 novas rutas turísticas na costa norte de Galicia relacionadas co turismo mariñeiro.

E, para testar o interese por estes itinerarios, realizará diversas probas piloto “in situ” en parte dos lugares polos que discorren algunhas das rutas.

O venres 3 de novembro será en Miño visita guiada polo Grupo Naturalista Habitat ás Marismas do río Baxoi a partir das 11 horas, coa temática de Ornitoloxía.

O luns 6 de novembro en Narón, visita guiada a cargo do historiador do Concello de Narón, Andrés Pena Graña á Ponte e Muiño de Xuvia, coa temática Pontes que unen+Camiños de Outono.

Para participar só e necesario indicar a cal queredes asistir enviando correo electrónico a pilartorres@valoraconsultores.com ou ben chamar ao 673 472 735


26 de outubro de 2017



Boletin nº 8 da Red Española de Grupos de Pesca



A través das diferentes seccións, ponse en valor e dáse a coñecer os avances do desenrolo local participativo e a enorme labor que levan a cabo os GALP nas diferentes zonas de actuación.



http://regp.tragsatec.es/Temp/Bolet%C3%ADn%20En%20Red%20-%20N%C3%BAmero%208,%202017.pdf

24 de outubro de 2017

Programas de acompañamento a mulleres no territorio do GALP Golfo Ártabro Norte. CANDIEIRA




luns e martes 30 e 31 de outubro arrancan os programas de acompañamento a mulleres do mar do proxecto Candieira:

1.      Programa EMBARCA, dirixido a promover iniciativas e proxectos de turismo mariñeiro e programas divulgativos.
2.      Programa ALIADAS, centrado en potenciar os lazos asociativos entre as mulleres desta área e mellorar as súas habilidades sociais e comunicativas. Tamén se traballará no deseño e posta en marcha de posibles proxectos e iniciativas concretas que se poidan realizar de maneira conxunta.

O programa EMBARCA terá a súa primeira sesión o día 30 ás 16.30 horas na Casa do Pescador na rúa do Curro, 33 en Miño. A duración estimada é de 4 horas.

O programa ALIADAS terá a súa primeira sesión o día 31 ás 16:30 horas na Casa do Pescador na rúa do Curro, 33 en Miño. A duración estimada é de 4 horas.

Máis información na páxina web do proxecto

Para confirmar a presenza ás sesións podes facelo a través das seguintes vías:
·         Mediante correo electrónico a: candieira@candieira.net.
·         Chamando ao teléfono 670450822.
·         A través do enlace da páxina web: http://candieira.net/informacion-xeral#calendario

16 de outubro de 2017

Tres proxectos do alumnado de Fene, Ares e Pontedeume, seleccionados para o programa Vidas Mariñeiras 2017


                                     Descargando sal, peirao de Ares. Fotografía achegada polo CPI As Mirandas.
O CPI A Xunqueira (Fene), o CPI As Mirandas (Ares) e o IES Breamo (Pontedeume) son os tres centros de ensino público cuxos proxectos audiovisuais inaugurarán o programa formativo Vidas Mariñeiras 2017, que dá comezo este mesmo mes de outubro coordinado polo GALP Golfo Ártabro Norte e que conta coa axuda dos fondos europeos FEMP 2014-2020 para o seu desenvolvemento
En «De corazón, mariñeiro» atoparemos a Vituco, experimentado científico e submarinista que se considera a si mesmo un mariñeiro máis. Percorreremos o curso do Eume até a súa desembocadura no océano Atlántico, atentos a como as augas configuran a paisaxe e os nosos propios hábitos («Entre dúas augas: o Eume e o mar»). Haberá tempo tamén para a reflexión histórica sobre o rol das mulleres na vila mariñeira de Ares ao longo do século XX («Marea de mulleres»). Esta é unha pequena e suxerente mostra do que nos deparan os proxectos que veñen de presentar os alumnas e alumnas dos centros seleccionados para participar en Vidas Mariñeiras 2017, que entre os meses de outubro e decembro deste ano achegará ás aulas un programa de formación audiovisual que dará como resultado senllas curtametraxes realizadas polo alumnado.
O programa foi recibido con moito interese polos centros de ensino da contorna do Grupo de Acción Local do Sector Pesqueiro (GALP) Golfo Ártabro Norte, e moitos deles coordinaron grupos de alumnas e alumnos para presentar un proxecto ao concurso publicado nesta mesma web o pasado mes de setembro. Porén, nesta primeira edición os coordinadores do programa limitáronse a tres proxectos para garantir unha formación de calidade e personalizada de cada grupo participante.
O alumnado recibirá unha formación práctica e teórica básica que lle permitirá desenvolver con autonomía todas as fases de produción dun filme, desde a primeira escaleta até as correccións de cor e masterizado das pezas resultantes. Estas tres curtametraxes, ademais, poderán verse no mes de decembro nun pase aberto ao público nos Cines Duplex de Ferrol, e xa en xaneiro de 2018 na filmoteca galega, o Centro Galego de Artes da Imaxe (CGAI, A Coruña).
http://vidasmarineiras.gal/

2 de outubro de 2017

I Premios Economía Azul. Un mar de iniciativas para Galicia

Os premios Economía Azul recoñecerán os mellores proxectos de desenvolvemento sustentable nas zonas costeiras
Distinguiranse as mellores iniciativas postas en marcha no marco da convocatoria de 2016 das axudas para proxectos dos grupos de acción local do sector pesqueiro
Estes premios van dirixidos aos promotores de proxectos subvencionados ao abeiro das estratexias de desenvolvemento local participativo dos grupos de acción local do sector pesqueiro (GALP). A Consellería do Mar con estes recoñecementos busca visibilizar o traballo destes grupos nas zonas pesqueiras e motivar a potenciais promotores para que presenten proxectos.
Distinguiranse as mellores iniciativas postas en marcha no marco da convocatoria de 2016 das axudas para proxectos dos grupos de acción local do sector pesqueiro
§  Para a elección dos proxectos gañadores haberá unha votación pública do 2 ao 22 de outubro na web https://galp.xunta.gal/ 
§  Os galardóns serán entregados na cidade da Cultura o próximo 27 de outubro e a través deles búscase visibilizar o traballo destes grupos nas zonas pesqueiras e motivar a potenciais promotores para que presenten proxectos
Os finalistas desta primeira edición son:
Ao premio para o mellor proxecto de Apoio á pesca costeira artesanal
1/ Proxecto de cooperación entre os GALP de Arousa, Pontevedra e Vigo para a ‘Mellora da Gobernanza da Xestión Pesqueira Artesanal no ámbito do Parque Nacional Illas Atlánticas’.
2/ Proxecto ‘DESCARPESC’ (GALP Ría de Pontevedra).
3/ Proxecto ‘XESMAR’ (GALP Ría de Arousa).
Ao premio para o mellor proxecto de creación de emprego:

1/ Proxecto ‘EMPENDEMAR’ (GALP Ría de Arousa).
2/ Proxecto para desenvolver unha ‘Nova liña de fabricación para os produtos procedentes da pesca artesanal’ (GALP Ría de Pontevedra).
3/ ‘O Semáforo de Fisterra’ (GALP Seo de Fisterra-Ría de Muros-Noia).
 Ao Premio para o mellor proxecto de diversificación
1/ ‘Turismo industrial na Costa da Morte’ (GALP Costa da Morte).
2/ ‘Lonxanatur’ (GALP Ría de Arousa).
3/ ‘Nigrán, Mar de Sabores’ (GALP Ría de Vigo-A Guarda).
Ao Premio para o Mellor Proxecto de Innovación local
1/ ‘Fabricación, distribución e venda de Bombóns do Mar’ (GALP A Mariña-Ortegal).
2/ Xestión das algas recollidas nas accións de limpeza e mantemento dos bancos marisqueiros, (GALP Ría de Vigo-A Guarda).
3/ Mellora da rede de varamentos 2016, (GALP Ría de Vigo-A Guarda).

18 de setembro de 2017

Xornadas divulgativas sobre o potencial económico e laboral do turismo mariñeiro


§  Os GALP A Mariña-Ortegal e Golfo Ártabro Norte organizan 5 sesións formativas en aberto e dirixidas á poboación en xeral.
§  Serán en Cedeira, Miño, Viveiro, Foz e Narón.

Valdoviño/Viveiro, 15 de setembro de 2017.- O proxecto de turismo mariñeiro “Galicia Norte, mares de experiencias” continúa o seu calendario de accións formativas coa convocatoria de 5 xornadas de difusión da cultura mariñeira. Durante estas sesións abertas a calquera interesado, informarase sobre o potencial económico e de xeración de emprego do turismo mariñeiro.

CALENDARIO DAS XORNADAS DE DIFUSIÓN
      Cedeira. Martes, 19 setembro. Horario: 11:00-12:30h. Biblioteca do Auditorio Municipal. Rúa Convento, s/n Baixo, esq. R/ María Mediadora
       Miño. Mércores, 20 setembro. Horario: 11:00-12:30h. Casa do Pescador. Rúa Curro, 33
    Viveiro. Luns, 25 setembro. Horario: 11:00 – 12:30 horas. Salón Multiusos do Concello - Praza Pastor Díaz, 1
       Foz. Martes, 26 setembro. Horario: 11:30 horas. Salón da Casa da Cultura. Rúa Lugo, 1
    Narón. Mércores, 27 setembro. Horario: 11:00 – 12:30 horas. Salón Café Teatro. Pazo da Cultura, Rúa Holanda, s/n

Despois destes seminarios de difusión, celebraranse unhas xornadas formativas para a diversificación do sector turístico e pesqueiro, das que se ofrecerá máis información en cada un dos 5 encontros referidos.

“Galicia Norte. Mares de Experiencias” é un proxecto de cooperación interterritorial de turismo mariñeiro impulsado polos GALP (Grupos de acción local del sector pesquero) A Mariña-Ortegal e Golfo Ártabro Norte, e financiado con fondos europeos nos 23 concellos da Coruña e de Lugo que conforman a súa área de actuación.
  
GALP Golfo Ártabro Norte
GALP A Mariña-Ortegal

Paderne
Miño
Pontedeume
Cabanas
Ares
Mugardos
Fene
Neda
Ferrol
Narón

Valdoviño
Cedeira
Cariño
Ortigueira
Mañón
O Vicedo
Viveiro
Xove
Cervo
Burela
Foz
Barreiros
Ribadeo

Esta iniciativa terá como resultado a creación de 10 experiencias turísticas (5 por cada GALP) ao longo de 384 kilómetros da Galicia máis septentrional, a cuarta parte da costa galega. Outro dos obxectivos é formar á poboación para dinamizar a creación de novos produtos e servizos relacionados co mar e co turismo para impulsar o relevo xeracional no sector da pesca e a fixación de poboación nova.



4 de setembro de 2017

O GALP Golfo Ártabro Norte pon en marcha un curso presencial-práctico co obxecto de aumentar as competencias no desenvolvemento de actividades de turismo mariñeiro no seu ámbito territorial.


Os Grupos de Acción Local do Sector Pesqueiro (GALP) de Galicia están a traballar dende hai anos, de xeito individual e coordinadamente, no desenvolvemento do turismo mariñeiro. Froito de esta colaboración xurdíu o proxecto MarGalaica, que trata de aglutinar e incorporar toda a oferta de turismo mariñeiro de Galicia.

Os GALP de Galicia, a través de Margalaica no ano 2017 están a por en marcha a Ruta dos Faros de Galicia, un proxecto de grande ruta que, recorrendo toda a costa de Galicia pretende integrar recorridos, recursos, visitas a Faros, oferta de restauración e actividades turísticas, especialmente as de contido mariñeiro, así como visitas a portos pesqueiros e Lonxas.

OBXECTIVOS
Neste contexto, dende Margalaica Turismo Mariñeiro preténdese potenciar a presenza de actividades de turismo mariñeiro na Ruta dos Faros de Galicia, ao tempo que se persigue consolidar a oferta de turismo mariñeiro existente e por en marcha iniciativas que estean a dar os primeiros pasos.
Mellorar as competencias e capacidades de certos colectivos dos profesionais do mar para o desenvolvemento de actividades de turismo mariñeiro.

DESTINATARIOS
Os destinatarios preferentes destes cursos son:
 -Mulleres profesionais do mar ou con vínculos familiares co sector do mar.
-Xoves, ata 35 anos profesionais do mar ou con vínculos familiares co sector do mar.
-Propietarios, traballadores e familiares de estaleiros, carpinterías de ribeira e embarcacións tradicionais.
-Calquera persoa con inquetudes en actividades turísticas mariñeiras


CONTIDOS COMÚNS DOS CURSOS
Todos os cursos adaptaranse ás necesidades e composición do alumnado. 
Os contidos estarán orientados a aportar aos prestadores de actividades de turismo mariñeiro as capacidades mínimas para dirixirse ao mercado para a captación de usuarios (clientes), a creación de produtos e experiencias e a xestión da actividade de turismo mariñeiro. O curso terá un carácter eminentemente práctico e se realizarán sesións personalizadas nas sedes e nas localizacións das actividades de turismo mariñeiro cunha duración mínima de dúas xornadas.

CALENDARIO E SEDES
A data de realización do curso presencial será o 25 de setembro de 2017 e terá unha duración de catro horas, de 16 a 20 horas. Confirmarase a todas as persoas inscritas o lugar e local dentro do territorio do GALP GOLFO ÁRTABRO NORTE.

PRAZO E PRESENTACIÓN DE SOLICITUDES
O prazo para a presentación de solicitudes de participación remata o 20 de setembro, debendo enviar recheado o formulario de inscrición cos datos solicitados ao enderezo electrónico galpgolfoartabronorte@gmail.com



Convocatoria axudas/subvencións FEMP 2014-2020 aberta ata o 1 de setembro de 2020

14 de xullo de 2017

Primeira mesa de traballo do proxecto de turismo mariñeiro "Galicia Norte. Mares de Experiencias"





Primeira mesa de traballo para a creación das 10 experiencias turísticas do proxecto de turismo mariñeiro “Galicia Norte. Mares de Experiencias”
Terá lugar o día  18 en Miño.
Están convocados representantes da administración, do tecido asociativo e empresarial dos 10 concellos do territorio do Galp Golfo Ártabro Norte.

O obxectivo destes encontros cos axentes do sector é decidir que recursos naturais e culturais relacionados co mar, e que conten con atractivo turístico, se incluirán nos 10 paquetes experienciais que resultarán deste proxecto de turismo mariñeiro.
“Galicia Norte. Mares de Experiencias” é un proxecto de cooperación interterritorial de turismo mariñeiro impulsado polos GALP (Grupos de acción local del sector pesquero) A Mariña-Ortegal e Golfo Ártabro Norte, e financiado con fondos europeos nos 23 concellos da Coruña e de Lugo que conforman a súa área de actuación. GALP Golfo Ártabro Norte e GALP A Mariña-Ortegal
Esta iniciativa terá como resultado a creación de 10 experiencias turísticas (5 por cada GALP) ao longo de 384 kilómetros da Galicia máis septentrional, a cuarta parte da costa galega. Tamén se formará á poboación para dinamizar a creación de novos produtos e servizos relacionados co mar e co turismo para impulsar o relevo xeracional no sector da pesca e a fixación de poboación nova.

10 de xullo de 2017

Convocatoria da primeira mesa sectorial "Galicia Norte - Mares de Experiencias" en Miño



Quentamos motores e arrancamos!

O martes 18 de xullo (10.30h) está convocada a primeira mesa de traballo para a creación das 10 experiencias turísticas do proxecto cooperativo de turismo mariñeiro “Galicia Norte. Mares de Experiencias”.

Será na Casa do Pescador do Concello de Miño (10.30h).

Asistirán representantes da administración, do tecido asociativo e empresarial da zona.

+info:
GALP Golfo Ártabro Norte
galpgolfoartabronorte@gmail.com - 981 784 417 / 636 736 788




7 de xullo de 2017

Presentación pública proxecto de cooperación interterritorial "Galicia Norte. Mares de Experiencias"










Os Grupos de Acción Local do Sector Pesqueiro Golfo Ártabro Norte e A Mariña-Ortegal, presentaron onte na Casa da Cultura de Valdoviño o proxecto de cooperación interterritorial de turismo mariñeiro "Galicia Norte. Mares de Experiencias".
Este proxecto pretende dinamizar a economía da costa norte de Galicia.
A presentación correu a cargo de María José Crespo Fraga, presidenta do GALP Golfo Ártabro Norte e patroa maior da Confraría de Miño; Alfredo Llano García, vicepresidente do GALP A Mariña-Ortegal e alcalde de Burela; Paloma Vázquez Fernández, xefa da área provincial de Turismo de Galicia en Lugo; e o alcalde de Valdoviño, Alberto González Fernández, que exerceu de anfitrión.
Esta colaboración dará como resultado o desenrolo e a promoción de rutas e experiencias turísticas para a posta en valor do patrimonio natural e cultural dos 23 concellos nos que actúan, que van dende Ribadeo ata Paderne. Esta iniciativa comeza neste mes de xullo e se desenrolará ao longo das próximas semanas ata finais de outubro.
A promoción dun único territorio sen fronteiras na costa máis septentrional de Galicia permitirá focalizar mellor os atractivos turísticos máis relevantes e favorecer as estadías máis longas aos viaxeiros, o que incrementará o volumen de ingresos para a población.
Os GALPs realizarán cinco xornadas de difusión entre a poboación para explicar as vantaxes do turismo mariñeiro. 
Realizaranse 18 sesións formativas e 5 prácticas que se impartirán sobre a creación de empresas e o deseño de actividades turísticas vinculadas ao patrimonio marítimo do territorio. 
A presidenta do GALP Golfo Ártabro Norte manifestou que un dos obxetivos principais do proxecto e desestacionalizar o turismo na zona, indicando que o "turismo mariñeiro ten que ser para o verán e o inverno".

4 de xullo de 2017

Presentación pública do proxecto de cooperación de turismo mariñeiro "Galicia Norte, mares de experiencias"

O GALP Golfo Ártabro Norte xunto co GALP A Mariña Ortegal están a impulsar un proxecto de cooperación interterritorial de turismo mariñeiro co obxecto de dinamizar a economía da costa norte de Galicia: "GALICIA NORTE, MARES DE EXPERIENCIAS"

O resultado desta colaboración será o desenvolvemento e a promoción de rutas e experiencias turísticas para a posta en valor do patrimonio natural e cultural dos 23 concellos nos que actúan, e que van dende o municipio coruñés de Paderne ata o lucence de Ribadeo.  En total, o proxecto levarase a cabo en dous territorios contiguos con características comúns e que contan cun rico patrimonio marítimo pesqueiro, cultural e natural moi relevante, que se estende ao longo de 384 quilómetros de costa, unha cuarta parte de toda a liña costeira galega.

A promoción dun único territorio sen fronteiras na costa máis septentrional de Galicia permitirá focalizar mellor os atractivos turísticos máis relevantes e favorecer estadías máis longas dos viaxeiros, o que permitirá un maior volume de ingresos para a poboación.

Baixo o nome "Galicia Norte, mares de experiencias", esta iniciativa pretende aproveitar o potencial da actividade pesqueira e mariñeira da zona, que representa o 8,8% do emprego nos concellos de A Mariña-Ortegal e o 3,3% dos pertencentes ao Golfo Ártabro Norte.

Para dar a coñecer este proxecto nos dous territorios, está prevista unha presentación pública no Auditorio da Casa da Cultura do Concello de Valdoviño o próximo xoves 6 de xullo ás 11 horas. 


28 de xuño de 2017

Candieira, rede de apoio á muller da costa galega, bota a andar cos primeiros encontros locais no territorio do GALP Golfo Ártabro Norte


O 5 de xullo celebraranse as primeiras reunións do GALP Golfo Ártabro Norte, abertas á implicación de axentes locais e persoas que a título individual queiran guiar este proxecto 

Candieira, a rede de apoio e promoción das mulleres do mar en Galicia, prepárase para dar o seu pistoletazo de saída. Este proxecto de cooperación promovido polos Grupos de Acción Local do Sector Pesqueiro (GALP) Ría de Pontevedra, Golfo Ártabro Norte, Costa da Morte, Seo de Fisterra-Ría Muros-Noia Costa Sostible, Ría de Arousa e Ría de Vigo-A Guarda, nace para alentar e acompañar o emprendemento das mulleres nas zonas costeiras dos territorios dos GALP participantes.
A zona do GALP Golfo Ártabro Norte, que comprende os concellos de Paderne, Neda, Narón, Pontedeume, Mugardos, Miño, Ferrol, Fene, Cabanas e Ares, celebrará os seus primeiros encontros o mércores 5 de xullo. A primeira xuntanza, o ENCONTRO INSTITUCIONAL, será na Casa do Pescador de Miño (ao carón do Cuartel da Garda Civil, R/ do Curro, 33), ás 13:30 e busca a implicación de responsables políticos e técnicos de diferentes áreas: desenvolvemento local, igualdade, emprego, xuventude, cultura, etc. Nel presentarase Candieira, compartiranse as necesidades do proxecto e recolleranse as achegas dos axentes da zona.
Xa pola tarde, ás 18:30 no mesmo lugar, terá lugar o ENCONTRO SOCIAL, aberto a confrarías, entidades sociais e empresariais, asociacións culturais, ambientais e persoas a título individual que queiran implicarse no proxecto.
Un grupo motor en cada zona
Durante a primeira quincena de xullo seguirán a celebrarse encontros en varias localidades para dar a coñecer o proxecto ás entidades e axentes locais, cuxa participación é fundamental para desenvolver Candieira. As xuntanzas están abertas á participación de toda a sociedade, especialmente a daquelas persoas que traballen na promoción da igualdade, que pertenzan ao sector pesqueiro, patrimonial, cultural e ambiental ou que estean vinculadas ao ámbito do emprendemento e a innovación. O obxectivo último é a constitución dun grupo motor en cada territorio, que se encargará de dinamizar e guiar o proceso entre este ano e o que vén, e á súa vez favorecer a incorporación de novos axentes. 
Entre setembro deste ano e abril de 2018 programaranse “laboratorios” ou obradoiros prácticos de impulso ás iniciativas que nazan e medren ao abeiro do Candieira. 
Estes espazos de creación alentarán a posta en marcha de proxectos baixo unha perspectiva Maker (aprender a través da experiencia). 
A inscrición, de balde, dirixirase a mulleres emprendedoras dispostas a mergullarse na xeración de experiencias innovadoras e intercambiar saberes e coñecementos, ao tempo que se vai tecendo unha rede de traballo colaborativa entre elas.
A previsión é que en maio de 2018 esta rede de apoio e de traballo compartido das mulleres da costa galega estea consolidada e que se manteña ao longo do tempo.
Presentación oficial
O pasado 6 de xuño tiña lugar a presentación oficial do proxecto, que contou coa presenza e apoio da conselleira do Mar, Rosa Quintana, en Marín.
Este exercicio de cooperación laboral entre os 56 municipios costeiros que conforman os seis GALP participantes, e que van desde A Guarda ata Narón, conta cunha axuda da Consellería do Mar, no marco da convocatoria deste ano, destinada a proxectos de cooperación interterritoriais e transnacionais dos GALP.

Máis información sobre o proxecto na páxina web:
CANDIEIRA - REDE DE APOIO E PROMOCIÓN DAS MULLERES DO MAR: 
http://candieira.net/



19 de xuño de 2017

Ondas de Ilusións. Escolas do Mar: Premio polas Fragas do Eume con 6ºB de As Mirandas do Concello de Ares

O 16 de Xuño, tivemos na campaña “Ondas de Ilusións” promovida polo GALP Golfo Ártabro Norte aos alumnos das Mirandas.

Era un día moi especial, porque era o día da celebración do premio do Concurso de Contos. Concurso que gañou Clara, e grazas a ela, toda a clase de 6ºB puido gozar dun día xenial.


Fixemos unha ruta en kaiak polo Eume. E seguimos aprendendo sobre o medioambiente, mentres faciamos deporte. Aprendimos que “Fragas do Eume”, é un parque natural desde 1997, e tamén é un LIC (Lugar de Interese Comunitaria). Os seus fragas están consideradas un dos mellores exemplos de bosque atlántico do continente europeo.


Remamos polas augas do río Eume. É un río que nace na Serra do Xistral, e atravesa os municipios de Abadín, Xermade, Muras, As Pontes de García Rodríguez, Monfero, A Capela, Cabanas e Pontedeume.


Agradecer a Cristina e Laura, do Club KDM de Cabanas a súa simpatía e profesionalidade para que o día fose xenial.



Toda a información completa deste evento no seguinte enlace

Ondas de Ilusións





Xornadas do Mar en Cambados

O sábado 17 de xuño, a xerente do GALP Golfo Ártabro Norte, Toni Fernández, participou nas "Xornadas do Mar", actividade enmarcada dentro do proxecto de cooperación Interterritorial -MarGalaica-, no que está a participar este GALP xunto con outros grupos galegos.

Nas "Xornadas do Mar" celebradas no Edificio da Confraría de Pescadores de Cambados, que estaban en plena celebración do seu centenario, participaron unha quincena de relatores que analizaron cuestións relacionadas co sector pesqueiro e marisqueiro. Ao remate das mesmas realizaronse visitas a bordo do "Chasula" e ao banco marisqueiro de O Sarrido.

Programa:
  •  Historia da Confraría de Cambados
  • A integración das asistencias técnicas nas Confrarías
  • Minicriaderos de moluscos: a importancia nos bancos marisqueiros
  • Diversificación no mundo do mar
  • Proxecto MarGalaica-Ruta dos Faros. Cooperación para a diversificación
  • Integración e organización da muller no mundo do mar
  • Que supón o cambio climático no sector/mundo do mar
  • Basuras no noso mar 
A xerente do GALP Golfo Ártabro Norte, fixo a presentación deste GALP e do seu territorio, onde deu a coñecer os seus recursos turísticos vinculados co mar, tal e como a súa costa activa, turismo mariñeiro, gastronomías, feiras, praias......así como unha pequena presentación dos proxectos que foron aprobados na convocatoria 2016.







13 de xuño de 2017

Sesión da Red Española de Grupos de Pesca (REGP) en Madrid


Representantes do GALP Golfo Ártabro Norte (Presidencia e Xerencia) están en Madrid participando na Sesión da REGP "Ferramentas para a xestión eficaz na DLP"

Organizada pola Secretaria General de Pesca, dentro do período de programación FEMP, comezou onte día 12, para rematar hoxe día 13 de xuño.

Nesta sesión están a participar representantes dos GALP, dos OIG das CC.AA., da DG MARE, de FARNET e do MAPAMA, así como de outros axentes que podan aportar información aos membros da Rede.

As actividades que se están a desenvolver nestes dous días son:

  • Aprobación do novo regulamento interno da REGP
  • Situación do Desenvolvemento Local Participativo en cada Comunidade Autónoma
  • Xeración de sinerxías entre os programas e proxectos do MAPAMA, a través da Fundación Biodiversidad, e as estratexias de desenvolvemento local dos GALP
  • Reservas Mariñas de interese pesqueiro
  • Innovación e cooperación
  • Iniciativas de coooperación no FEMP
  • Estratexias de Desenvolvemento local participativo en Cataluña
  • Algunhas iniciativas postas en marcha no FEMP en Galicia
  • Cuestións técnicas Programa FEMP
  • Medidas antifraude
  • Posibilidades de sinerxias entre as OOPP e os GALP
  • Real Decreto de Pesca-Turismo
  • As EDLP e a xestión sostible dos recursos mariños
  • Posibilidades de financiamento (microcréditos, convenios...)
  • Web FARNET e My FARNET
  • Ferramenta de comunicación da REGP
Máis información sobre esta Sesión: Red Española de Grupos de Pesca



A Red Española de Grupos de Pesca (REGP) utilízase como instrumento para o aprendizaxe e interacción entre os GALP, sendo ademais o canal de información, comunicación e difusión das actividades realizadas para contribuir ao desenvolvemento sostible das zonas pesqueiras.

Plataforma que facilita a cooperación e o traballo en rede, dando protagonismo ás aportacións dos GALP, autoridades de xestión e institucións públicas e privadas implicadas en consolidar un presente sostible e un futuro viable para as comunidades pesqueiras.



7 de xuño de 2017

Presentación do proxecto de Coooperación Interterritorial CANDIEIRA -Rede de apoio e promoción das mulleres do mar 2017-2018

O día 6 de xuño tivo lugar no Museo Municipal Manuel Torres en Marín (Pontevedra) a xornada de presentación pública do proxecto CANDIEIRA, na que o GALP Golfo Ártabro Norte estivo representando pola súa Presidenta, María José Crespo e pola Xerencia, María Antonia Fernández.

CANDIEIRA é un proxecto de cooperación entre os Grupos de Acción Local do Sector Pesqueiro Golfo Ártabro Norte, Costa da Morte, Seo de Fisterra Ría de Muros Noia Costa Sostible, Ría de Arousa, Ría de Vigo A Guarda e Ría de Pontevedra (GALP coordinador do proxecto).

O seu obxectivo principal consiste en reforzar a gobernanza e o empoderamento das mulleres do mar nas diferentes zonas costeiras.

Poñendo en marcha actividades dinamizadoras e innovadoras tentaremos mellorar a situación das mulleres do mar, favorecendo a igualdade de oportunidades, a mellora laboral e profesional, e a xeración de redes de traballo compartido.

Os primeiros traballos que se desenvolveran deste proxecto no territorio, serán contactos iniciais con axentes locais e visitas presenciais. Enganche de diferentes perfís e axentes, reforzando nas áreas de muller, emprendemento e innovación do GALP Golfo Ártabro Norte.

Ao longo deste ano, están previstos encontros institucionais ( representantes políticos e persoal técnico dos concellos do GALP Golfo Ártabro Norte); encontros sociais (entidades do territorio, sobre todo do sector pesqueiro, o ámbito patrimonial, cultural e ambiental, incidindo nas mulleres e axentes vinculados ao ámbito do emprendemento e a innovación).

Este traballo de encontros rematará coa constitución dun GRUPO MOTOR no territorio, que será o encargado de dinamizar o proceso e favorecer a incorporación de máis axentes ao mesmo.



O Galp Golfo Ártabro Norte participa no Proxecto de Cooperación Interterritorial MarGalaica 2016-2017

O Galp Golfo Ártabro Norte participa xunto con outros cinco GALP galegos no proxecto de Cooperación interterritorial "Cooperación para a creación do produto común de turismo mariñeiro MarGalaica", do que xa se ten executado unha parte no ano 2016.

Este proxecto ten como obxecto o impulso de MarGalaica Club de Turismo Mariñeiro como aposta turística propia da costa galega a través da xeración de novos produtos e a promoción: captación de novos servizos turísticos ao longo da costa galega; creación dunha ruta mariñeira de Galicia; edición e distribución de diversos materiais promocionais off line e on line (1 web site, 1 app, 1 guia, 1 folleto, eventos de promoción, arquivo fotográfico, arquivo de video, stand promocional....) e implicación de novos axentes no turismo mariñeiro nos diferentes programas de difusión e formación previstos.

Para unha mellor execución deste proxecto, as accións foron repartidas entre os GALPs participantes, correspondéndolle ao GALP Golfo Ártabro Norte traballar nos contidos, deseño e programación web e app e realización dunha xornada técnica de turismo mariñeiro.

Entre os traballos desenvolvidos ata o de agora dentro deste proxecto, temos elaborado unha base de datos de restauración, aloxamento, lugares de interese do territorio do GALP Golfo Ártabro Norte; así como, a empresa contratada para este proxecto, xa está polo territorio co proceso de preselección de empresas para captación e avaliación de calidade de MarGalaica (serán 15 socios) e Restaurantes Km 0 MarGalaica (15 establecementos).

Por outra banda, estase traballando no desenvolvemento e  organización dunha xornada sobre sitios culturais e xacementos na costa do Golfo Ártabro Norte.

1 de xuño de 2017

GALPGOLFOARTABRONORTETV





O GALP GOLFO Artabro NORTE participou na elaboración deste vídeo de presentación de Turismo, natureza, pesca e acuicultura que se celebrou en Madrid o pasado 12 de maio.

Podedes ver a nosa intervención a partir do minuto 1,32

29 de maio de 2017

Convenio Financeiro entre Abanca e o Galp Golfo Ártabro Norte

Hoxe día 29 de maio o Director de zona de Abanca no territorio do Galp Golfo Ártabro Norte, José Ulfe Bugallo e a Presidenta do Galp Golfo Ártabro Norte, Mª José Crespo Fraga, asinaron en Miño un convenio de colaboración para o mantemento de relacións financeiras,  dirixido aos beneficiarios de proxectos vinculados ao Galp Golfo Ártabro Norte, sendo o seu ámbito territorial os concellos de Miño, Paderne, Pontedeume, Cabanas, Ares, Mugardos, Fene, Neda, Ferrol e Narón.
Neste mesmo convenio asinouse tamén unha oferta financeira dirixida aos beneficiarios de proxectos pesqueiros, vinculados tamén ao Galp Golfo Ártabro Norte.
A través deste convenio daranse a coñecer as liñas de financiación de Abanca para este territorio nos proxectos que obteñan ás axudas do Fondo Europeo Maritimo de Pesca (FEMP 2014-2020), do que está aberto o prazo para solicitudes ata marzo de 2020.

https://galp.xunta.gal/golfo-artabro

25 de maio de 2017

Campaña escolar "ONDAS DE ILUSIONS: ESCOLAS DO MAR"








O Grupo de Acción Local do Sector Pesqueiro (Galp) Golfo Ártabro Norte, promove por primeira vez a campaña escolar "ONDAS DE ILUSIÓNS: ESCOLAS DO MAR "
A campaña escolar de divulgación dos recursos do mar do Golfo Ártabro Norte "Ondas de ilusións: escolas do mar", preséntase como unha iniciativa de sensibilización e divulgación dos valores e dos recursos do mar, a través dun completo programa de actividades durante o terceiro trimestre do curso escolar 2016-2017. A campaña pretende ser un referente a nivel autonómico, consolidándose como complemento educativo dentro do programa de actividades escolares dos centros participantes.
O principal obxectivo é achegar a un elevado número de escolares de primaria ó entorno litoral do Golfo Ártabro Norte, para descubrir in-situ a cultura mariñeira, os recursos naturais e as artes e tradicións pesqueiras relacionadas coa pesca artesanal. Persegue ademais, provocar na poboación escolar un cambio de perspectiva cara o respeto do medio mariño e uns hábitos de consumo responsable dos produtos do mar. O mesmo tempo, a través desta campaña, póñense en valor as actividades económicas do sector do mar dunha forma sustentable.
A campaña vai dirixida a escolares de entre 8 e 12 anos, dos centros públicos educativos do territorio do Golfo Ártabro Norte, en total 500 participantes dos concellos de Paderne, Miño, Pontedeume, Cabanas, Ares, Mugardos, Fene, Neda, Ferrol e Narón.
O contido da campaña consta de:
  • Presentación no centro educativo - charla divulgativa.
  • Xornada de excursión e actividades.
  • Material didáctico.
  • Concurso de contos.
  • Premio concurso "Ondas de ilusións: escolas do mar 2016-2017"











19 de maio de 2017

Intercambio de experiencias con outros Grupos de Acción Local do Sector Pesqueiro

Membros da Xunta Directiva do GALP Golfo Ártabro Norte e representantes das súas Confrarías de Pescadores, estiveron visitando no territorio do GALP A Mariña - Ortegal algúns dos proxectos subvencionados por dito GALP: Reef Water Coral Farm en Viveiro; Conservas Artesáns Currican, S.L. en Xove; Restaurante AMarquesa en Burela; Maremasma, S.L. en Foz e Chocolates Moreno en Ribadeo, agradecendo a amabilidade de todos os promotores en explicarnos as súas iniciativas, que valoramos moi interesantes e orixinais, desexándolles moita sorte a tod@s.
Agradecer tamén ao Presidente e Xerente do GALP A Mariña - Ortegal a súa atención, así como a dispoñibilidade para acompañarnos todo o día aos diferentes proxectos.
Esta actividade está enmarcada dentro das actividades de animación e dinamización previstas para este ano 2017 polo GALP Golfo Ártabro Norte.